તર્યાં વગર પણ તરણ મળે છે,
સુમિરન સુમિરન સ્મરણ મળે છે.
ઠેકી ઠેકી ઠરડાયું મન,
નિશ્ચલ, ચંચલ હરણ મળે છે.
ક્ષણે ક્ષણે ઊંડું ઊતરતું,
કાળ રહિત કો કળણ મળે છે.
પરશુની ધારે કોરેલું,
ગૌમુખી ગોકરણ મળે છે.
ખુદને ખુદનું શરણ મળે છે,
એકાકી અવતરણ મળે છે.
……પંચમ શુક્લ
રિસ્તા કોઈ ચાંદીના તો કોઈ સોનાનાં માગે છે,
અફસોસ ! હવે ક્યાં કોઈ માણસ પણ પોતાના માગે છે !
જેને શ્રદ્ધા છે એ તો પૂજે છે પ્રેમે પથ્થરને પણ,
બાકીના સૌ પુરાવા પણ એના હોવાના માંગે છે !
…..સુધીર પટેલ
કવિના પરિચય માટે અહીં ક્લીક કરો> સુધીર પટેલ
