એકાંત મઘમઘે ગુલાબી ને ગઝલ કહું,
ભાષા હો મૌનની સુગંધી ને ગઝલ કહું.
યુગયુગથી શોધ એ જ ચાલી રહી છે દોસ્તો,
એક જણની લઉં કથા અજાણી ને ગઝલ કહું.
ખુદના વિશે વિશેષ શું માહિતી આપું હું ?
બસ જ્ઞાનની સમજ છે થોડી ને ગઝલ કહું.
સાંજુકી વેળને સજાવી નીકળી પડું,
પળ ખુશમિજાજી એકધારી ને ગઝલ કહું.
ઘૂંઘટ સમી અલગ પ્રતીક્ષા સાંપડે કિશોર,
હો ભાત પાલવે અધીરી ને ગઝલ કહું.
-ડૉ. કિશોર મોદી
સંપર્ક – kishoremodi@gmail.com
