અર્થ સરશે નહિ

કાચા ઘડાના ઘાટનો કૈં અર્થ સરશે નહિ.
ને, વ્યર્થ આ રઘવાટનો કૈં અર્થ સરશે નહિ.

જોઇ શકે જ્યાં તું તને, એ તેજ ખપનું છે,
બીજા બધા ચળકાટનો કૈં અર્થ સરશે નહિ.

એ બારમાસી હોય પણ ના હોય તાજગી
એ પ્યાસ એ તલસાટનો કૈં અર્થ સરશે નહિ.

ના હો વળાંકો-ઢાળ, તો આગળ જવાશે પણ,
સીધી સરળ એ વાટનો કૈં અર્થ સરશે નહિ.

વાદળ થઇ વરસી જવા, દવ ભીતરે તું રાખ,
આ બ્હારના ઉકળાટનો કૈં અર્થ સરશે નહિ.

ખીલી-ખરી ને વાત બસ તારી તું કર અહીં,
ખાલીપાના ખખડાટનો કૈં અર્થ સરશે નહિ.

આંસુ તેં કોઇના કદી લૂછ્યા ન હોય તો,
તર્પણને કાજે ઘાટ નો કૈં અર્થ સરશે નહિ.

– લક્ષ્મી ડોબરિયા.

Advertisements

6 thoughts on “અર્થ સરશે નહિ

  1. ખીલી-ખરી ને વાત બસ તારી તું કર અહીં,
    ખાલીપાના ખખડાટનો કૈં અર્થ સરશે નહિ.

    સરસ અર્થ સારતી ગઝલ.

  2. ના હો વળાંકો-ઢાળ, તો આગળ જવાશે પણ,
    સીધી સરળ એ વાટનો કૈં અર્થ સરશે નહિ… ખૂબ જ સરસ..

    મજાની ગઝલ… વાહ ,

  3. જીવનની સરળ અને સાચી ફીલસૂફી લક્ષ્મીબેને ગઝલમાં વર્ણવી છે.
    સાચી વાત તો અહીં છે…

    અાંસુ તેં કોઇના કદી લૂછયા ન હોય તો,
    તર્પણને કાજે ઘાટ નો કૈં અર્થે સરશે નહિ.

    વાત ગમી…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s