આખો માણસ

ખાંખાંખોળા કરતાં થાકો પણ ક્યાં મળતો આખો માણસ,
ટુકડે ટુકડે જોડી સાંધો નજરે ચઢતો આખો માણસ.

હામ હરી દે ત્યાં સુધી તો આભે તારા વીણતો બાકી,
પડતો અથડાતો કુટાતો ઢાળે ઢળતો આખો માણસ.

સાલ મહિના દિવસો સુખના શમણાં જેવા સરી જતાં પણ,
તારીખિયાના પાને તાકી દુ:ખડા ગણાતો આખો માણસ.:

કચકચાવી બાંધો છો ને,તૃષ્ણા ક્યાં બાંધી બંધાતી,
કાંધે બેઠો અર્થી ઉપર ઉછળી પડતો આખો માણસ.

કાં અખિલાઇ ભૂત બનાવે કાં ભોળો ભગવાન બતાવે,
‘હાકલ’ પણ છે સૌના જેવો તૂટી બનતો આખો માણસ.

– પ્રતાપસિંહ ડાભી ‘હાકલ’

5 thoughts on “આખો માણસ

  1. કચકચાવી બાંધો છો ને,તૃષ્ણા ક્યાં બાંધી બંધાતી,
    કાંધે બેઠો અર્થી ઉપર ઉછળી પડતો આખો માણસ… વાહ ખૂબ સુંદર અભિવ્યક્તિઓ…

    ખૂબ સશક્ત ભાવની ગઝલ…

  2. ‘હાકલ’ પણ છે સૌના જેવો તૂટી બનતો આખો માણસ……waah….Pratapsinh….waah….

  3. કચકચાવી બાંધો છો ને તૃષ્ણા કયાં બાંધી બંધાતી,
    કાંધે બેઠો અર્થી ઉપર ઉછળી પડતો આખો માણસ.

    લાંબી બહેરમાં સુંદર રચના.

  4. આ ગઝલ “કુમાર”નાં તાજેતરના અંકમાં આવી છે અને તે હાકલ સાહેબ માટે
    ગૌરવની વાત છે. સુંદર ગઝલ માટે તેમને દીલી અભિનંદન.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s