બેન ચાલી સાસરે

સાવ સૂનું બારણું મૂકી, અને લ્યો બેન ચાલી સાસરે,
આંખમાં સંભારણું મૂકી, અને લ્યો બેન ચાલી સાસરે !

ભીંત માથે સિંદૂરી થાપા કરીને વાટ તો પકડી પિયુની;
ઝૂરતું આ આંગણું મૂકી, અને લ્યો બેન ચાલી સાસરે.

હાથમાં મિંઢોળ ને મ્હેંદી તણી નરમાશ કૈં નજરે ચડે;
યાદ કેરું તાપણું મૂકી, અને લ્યો બેન ચાલી સાસરે.

પાંપણે ઝૂલી રહ્યું અશ્રુનું તોરણ- મોતીઓ સમ ઝગમગે;
કંકુવરણું છાંટણું મૂકી, અને લ્યો બેન ચાલી સાસરે.

એ જ છે સૂરજ, અને કૈં એ જ છે વાતાવરણ ચારે તરફ,
તારું-મારું-આપણું મૂકી, અને લ્યો બેન ચાલી સાસરે.

‘વિવશ’ પરમાર

5 thoughts on “બેન ચાલી સાસરે

  1. સરસ રચના
    પાંપણે ઝૂલી રહ્યું અશ્રુનું તોરણ- મોતીઓ સમ ઝગમગે;
    કંકુવરણું છાંટણું મૂકી, અને લ્યો બેન ચાલી સાસરે.

  2. સાથે રમેલાં, જમેલાં ને ભમેલાં ભાઈ- બહેનનો
    અા પ્રસંગનો વિયોગ ભલભલાને ભાંગી નાંખે છે
    તો મા-જણ્યાનું તો કહેવું જ શું ? દરેક સ્ત્રીના
    જીવનમાં અાવતો અા સમય શોક અને અાનંદનો
    મિશ્ર ભાવ લઈને અાવે છે.
    સરસ પ્રસંગલક્ષી ગઝલ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s