યાદ આવે છે

યાદ આવે છે ઘણી એ વાહવાહી, નામના,
કોઈ પણ પૂછે નહીં જ્યારે ન હો કંઇ કામના.

ના સમજ, સમજે નહીં સહેજેય એ પુરુષાર્થ માં,
ને કહે; ” ભજવા છતાં આવ્યા મદદમાં રામ ના !!”

ના વળ્યા પાછા અમે જાણી ગયા વ્યવહારમાં;
છે ગરજ, જાણ્યા પછી કરશે ડબલ એ દામના.

પામવા જેને અમે ભટક્યા સતત આખર સુધી
એ મુકામે આજ પહોંચાડી રહ્યાં છે ગામના.

જ્યાં ગઝલ છેડી અમે સૌ ચૂપ થઇ બેસી રહ્યાં;
એ જ સૌ ડોલી ઉઠ્યા એક શે’ર પર બેફામના.

– રીનલ પટેલ