કહે છે શ્વાસ જેને એ હવાથી હાથ ધોવા છે,
તરસને ત્યાગવી છે, ઝાંઝવાથી હાથ ધોવા છે.
મને મારા તબીબે છેતર્યો છે જિંદગી આખી,
નથી માફક જે આવી એ દવાથી હાથ ધોવા છે.
બધા મંગળ-અમંગળ કોઇ લઇ ચાલ્યું ગયું છે તો,
હવે આ લાભ-શુભ ને શ્રી-સવાથી હાથ ધોવા છે.
હતા ઝળઝળિયા જૂના ત્યાં નવા નક્કોર આંસુ છે,
જૂનાથી ધોઇ છે આંખો , નવાથી હાથ ધોવા છે.
બધી રીતે જુઓ ગજ આપણો ટૂંકો પડ્યો ‘આતુર’,
હવે આ માપવા ને પામવાથી હાથ ધોવા છે.
– બાબુલાલ ચાવડા ‘આતુર’
માપવા ને પામવાથી હાથ ધોવા છે…. yes these must be avoided…
very nice…
વાહ ! કયા બાત હૈ!
મંગળ-અમંગળ કોઇ લઇ ચાલ્યું ગયું છે તો,
હવે આ લાભ-શુભ ને શ્રી-સવાથી હાથ ધોવા છે.
Mast Radif
મને મારા તબીબે છેતર્યો છે જિંદગી આખી,
નથી માફક જે આવી એ દવાથી હાથ ધોવા છે.
મત્લાથી મકતા સુધી સાંગોપાંગ સુંદર ગઝલ….. !!
દરેક શે’ર મનનીય
વાહ મજાની રદ્દીફમાં કહેવાયેલી આખી ગઝલ ઉમદા
વાહ, વાહ અને વાહ….હજારો વાર વાહ…..
હતા ઝળઝળિયા જૂના ત્યાં નવા નક્કોર આંસુ છે,
જૂનથી ધોઈ છે આંખો, નવાથી હાથ ધોવા છે.
કોઈ શેર નબળો છે કે સબળો છે એવું કહેવાની જરૂર જ નથી બધા જ શેર અફલાતૂન થયા છે. અભિનંદન શ્રી બાબુભાઈને.
હાથ ધોવા છે રદીફ દ્વારા કેવી રીતે નવીન તરફ પ્રયાણ કરવું એ પ્રસ્તુત ગઝલમાં સમજાવ્યું છે ।