માફક નહીં આવે

પ્રણય નામક એ બીમારી મને માફક નહીં આવે;
બધાં સામે ગુનેગારી મને માફક નહીં આવે.

પડી ગઈ છે મને તો ટેવ પથ્થર પૂજવાની કે-
હવે ઈશ્વર નિરાકારી મને માફક નહીં આવે.

હું કાયમ જોઉં છું એ રીતથી જોવા મળે તો ઠીક;
તમારી બંધ આ બારી મને માફક નહીં આવે.

નહીં આવું હવે જ્યારે તમે બોલાવશો ત્યારે;
તમારી પ્રીત વ્યવહારી મને માફક નહીં આવે.

કરે છે હાસ્ય મુજ સામે ને ગુસ્સો પીઠની પાછળ;
સ્વજન તારી કલાકારી મને માફક નહીં આવે.

કહો તો હું આ ઝંઝીરો પહેરી લઉં હવે હાથે;
કે ઝૂલ્ફોની ગિરફ્તારી મને માફક નહીં આવે !!

એ આવી જાય જો ‘પ્રત્યક્ષ’ તો એને મળી લઉં હું;
કે મારી મોત પરબારી મને માફક નહીં આવે.

– રવિ દવે ‘પ્રત્યક્ષ’

Advertisements

8 thoughts on “માફક નહીં આવે

  1. Waah!
    કહો તો હું આ ઝંઝીરો પહેરી લઉં હવે હાથે;
    કે ઝૂલ્ફોની ગિરફ્તારી મને માફક નહીં આવે !

  2. વાહ નખશિખ મજાની ગઝલ

    કરે છે હાસ્ય મુજ સામે ને ગુસ્સો પીઠની પાછળ;
    સ્વજન તારી કલાકારી મને માફક નહીં આવે.

    યે બાત !!!!

  3. કરે છે હાસ્ય મુજ સામે ને ગુસ્સો પીઠની પાછળ;
    સ્વજન તારી કલાકારી મને માફક નહી આવે.

    લઢણ પરંપરાગત છે પણ દરેક શેરમાં શેરીયત છે અને ગઝલનો મિજાજ દેખાય છે. સરસ રચના.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s