વ્યથાની પોટલી

વ્યથાની પોટલી વાળીને બેઠો રહીશ ક્યાં લગ તું,
દ્વિધાનો હાથ આ ઝાલીને બેઠો રહીશ ક્યાં લગ તું.

ઊભો થા..! છોડ નિરાશા અને એ લક્ષ સામે જો,
બધી કર્મણ્યતા ટાળી ને બેઠો રહીશ ક્યાં લગ તું.!

જરુરી હોય છે ઉત્સાહ, જુસ્સો, હામ હૈયામાં,
હ્રદય તારું લઈ ખાલી ને બેઠો રહીશ ક્યાં લગ તું.!

મળે જો સાથ મિત્રોનો તો રસ્તા થઈ જશે સહેલા,
અહં તારાને પંપાળી ને બેઠો રહીશ ક્યાં લગ તું.!

કરીશું આમ, જઈશું આમ, ને આવી જશે મંઝીલ,
ખયાલોમાં ફકત ચાલીને બેઠો રહીશ ક્યાં લગ તું.!

ખરેખર પ્હોંચવું હો ક્યાંક, પગથી ચાલવું પડશે,
પછી આ ખાટલી ઢાળી ને બેઠો રહીશ ક્યાં લગ તું.!

સુકાયાં છે બધાં જંગલ, અહીં ‘આનંદ’ નહીં વરસે,
હવે પકડી સુકી ડાળી ને બેઠો રહીશ ક્યાં લગ તું.!

– અશોક જાની ‘આનંદ’

Advertisements

7 thoughts on “વ્યથાની પોટલી

  1. Very nice…
    કરીશું આમ, જઈશું આમ, ને આવી જશે મંઝીલ,
    ખયાલોમાં ફકત ચાલીને બેઠો રહીશ ક્યાં લગ તું.!

  2. સુકાયાં છે બધાં જંગલ, અહીં ‘આનંદ’ નહીં વરસે,
    હવે પકડી સુકી ડાળી ને બેઠો રહીશ ક્યાં લગ તું.!

    મક્તા સહીત સરસ ગઝલ.

  3. વાહ નખશિખ મજાની ગઝલ

    દરેક શૅર માણવા લાયક

  4. તમામ શેર મઝાના.મત્લા થી મક્તા સુધીની આખી સફર સુંદર રહી. રદીફ મઝાની.

  5. હવે પકડી સુકી ડાળી ને બેઠો રહીશ ક્યાં લગ તું.!….
    wah… Ashokbhai, khub sundar rachana….

  6. પોઝેટીવ ભાવ જગાડતી રચના. ઊઠ, ઊભો થા અને કર્મ કર. ગીતાનો ઉપદેશ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s