છંદ- ૯ શિખરિણી

First published on Oct 22, 2011    શિખરિણી

આ શિખરિણી છંદ અક્ષરમેળ છંદ છે.
આ છંદમાં કુલ ૧૭ અક્ષર હોય છે.
તેનું લગાત્મક રૂપ છે-

લગા ગાગા ગાગા લલલલલગા ગાલલલગા  (કુલ ૧૭ અક્ષર)

અહીં એક ગુરુને સ્થાને બે લઘુ કે બે લઘુને સ્થાને એક ગુરુ લઇ શકાય નહીં.
કારણ કે એમ કરવાથી અક્ષરનો મેળ તૂટે છે.
આ છંદમાં છઠ્ઠા અને બારમા અક્ષરે યતિ આવે છે.
આ છંદ પણ તેની સુંદર લયબદ્ધ ગેયતાને લીધે કવિઓનો માનિતો છંદ છે.
જેમ કે…

વળાવી બા આવી નિજ સકલ સંતાન ક્રમશઃ
**
અને એ આશ્લેષે વિષ જગતનું સાર્થક બન્યું
**
વળી સાથે લાવ્યો વિમલ ઘટ ગંગોદક ભરી
**
અનામી પ્હાડોના પરિચય વિનાના તરુવને
ન મારું યાદા’વે અવ નગરનું નામ જ મને

ક્રમશઃ