હાથને જ્યાં હાથની રેખા છળે,
ભાગ્ય એને ભાલનાં ક્યાંથી ફળે !
બેઉ પડ વચ્ચે સૂરજ ને ચંદ્રના,
એક ડોશી રોજ અજવાળાં દળે.
નીકળે દરિયાને મળવાને નદી,
શું કરે જ્યાં માર્ગ વચ્ચે રણ મળે !
ક્યાં ધુમાડો છે હૃદયની આગમાં !
શાપવશ એ તો સદા છાનું બળે.
એક એવી યાદ છે જે આવતાં,
સ્તબ્ધતા સૂનકારમાં જઇને ભળે.
શબ્દ અસ્થિથી ઘડાયો હોય તો,
શક્ય છે કે મૌનનો મેરુ ચળે.
– બાબુલાલ ચાવડા ‘આતુર’
Kya baat hai
નીકળે દરિયાને મળવાને નદી,
શું કરે જ્યાં માર્ગ વચ્ચે રણ મળે !
Nice gazal
ખૂબ આભાર
Waah
ક્યાં ધુમાડો છે હૃદયની આગમાં !
શાપવશ એ તો સદા છાનું બળે.
આભાર
વાહ સુંદર ગઝલ
આભાર
બેઉ પડ વચ્ચે સૂરજ ને ચંદ્રના,
એક ડોશી રોજ અજવાળાં દળે.
સરસ કલ્પન.
આભાર
મજાની હમરદીફ- હમકાફિયા ગઝલ.. એક એક શે’ર સુંદર થયા છે
પણ આ..
બેઉ પડ વચ્ચે સૂરજ ને ચંદ્રના,
એક ડોશી રોજ અજવાળાં દળે……. વાહ ભાઈ વાહ !!
ખૂબ આભાર સર !
very nice, enjoyed…
બેઉ પડ વચ્ચે સૂરજ ને ચંદ્રના,
એક ડોશી રોજ અજવાળાં દળે.
છેલ્લો શેર પ ણ ગમ્યો. હર સમયની જેમ નવીનતાથી રચાયેલી સુંદર રચના.
ખૂબ ખૂબ આભાર !